Kuha ang mga larawang ito noong umuwi ako sa Marinduque noong isang taon.

Sa mga hindi pa pamilyar sa Poctoy White Beach, tingnan at hangaan ang puting buhangin, bughaw na dagat, at mga puno. Kabilang sa mga ipinagmamalaki ng Marinduque. Kung masosolo mo ang lugar, para kang nasa sarili mong paraiso. Pero dahil sa pinapapalakas pa lang ang turismo sa probinsiya, di pa ito kasing kilala ng beaches sa Boracay o Puerto Galera.

Gusto mo bang bisitahin ang Poctoy White Beach? Mula sa Maynila, puwede kang bumili ng airline tickets papunta sa Marinduque airport. Sa ngayon, apat na beses sa isang linggo ang biyahe papuntang Marinduque sa Zest Air. Mula sa paliparan sa bayan ng Gasan, bibiyahe ka nang may dalawang oras papuntang bayan ng Torrijos, na kinaroroonan ng Poctoy White Beach.